FAQ
Appointments
Sa pamamagitan ng website ng Legazpi Eye Center, maaaring magbook ng appointment para sa check-up.
Dito, maaaring pumili ng doktor, araw at oras ng check-up. Siguruhing tama ang mga detalyeng ilalagay tulad ng pangalan, phone number o email address.
Pwede ang walk-in, subalit inuuna namin ang mga pasyente na may online appointment.
Kung kayo ay magwa-walk-in, kumuha lamang ng queue number sa Entrance upang maisama sa pila.
Lahat ng aming doctors ay para sa mata.
Kung bata ang pasyente, mas mabuti kung pediatric ophthalmologist (Dr. Rachel Milante or Dr. Rena Bascuña) ang tumingin sa pasyente.
Kung may special na karamdaman ang pasyente tulad ng glaucoma o sakit sa retina, may mga specialists ang Legazpi Eye Center para diyan.
Lahat din ng aming doctors ay marunong mag- asikaso ng cataract.
Sa Doctors Page ng aming website, maaaring makita ang iba’t ibang specializations ng bawat doctor.
Opo. Pwedeng gamitin ng kasama ang appointment slot kung hindi tumuloy ang orihinal na nakapangalan dito.
Kung walang appointment ang kasama, maaari itong kumuha ng queue number sa Entrance bilang walk-in.
Kung kaya silang ma-accommodate sa dami ng pasyente sa araw na yun, ipa-aalam ng aming Front Desk.
Kung nag-set ng appointment sa website ng Legazpi Eye Center, maaaring ipaalam sa Front Desk.
Kung walang appointment, kumuha lamang ng queue number sa Front Desk at pumila bilang walk-in.
Lahat ay kinakailangan na dumaan sa proseso at pre-consultation examinations.
Nirerekomenda namin ang pag-set ng appointment gamit ang website, at nakalahad din ito sa follow-up slip or prescription.
Sa makakakaya ng Legazpi Eye Center, gagawin ng staff ang lahat para masunod ang oras sa appointment ng pasyente.
Ang pre-consultation examinations tulad ng autorefractometer, visual acuity test, at refraction ay bahagi ng appointment at konsultasyon sa doctor.
Ginagawa ang mga ito para makita ng doctor ang buong sitwasyon ng pinapacheck-up ng pasyente.
Lumapit lamang sa aming Front Desk, malugod namin kayong tatanggapin.
Maaaring magbago o mag-kansela 24 oras bago ang nakatakdang oras ng appointment.
Patient Flow
Karamihan ng pasyente ng Legazpi Eye Center ay Senior Citizen at PWD patients. Walang hiwalay na pila ang mga senior citizen at PWD patients ngunit sinusubukan sa makakaya ng Legazpi Eye Center na mabilis tapusin ang check-up ng mga senior citizens at PWD patients.
Branches of LEC
Ang aming branch sa Naga City ay nasa ground floor ng Sundaze Dormitel, Central Business District II. Ito ay nasa likod ng SM Naga.
Madalas na naka-duty sa Naga City branch ang mga doctors na sina Dr. Timothy Tang Lee Say at Dr. Rena Bascuña.
May mga araw na naka-duty sa Naga City ang aming mga Legazpi City-based doctors. Makikita ang kani-kanilang schedule at makakagawa ng appointment sa Doctors Page ng Legazpi Eye Center.
Medical Records
Pwede kayong humingi ng medical certificate, medical abstract, o statement of account. Abisuhan lamang ang ophthalmic assistant ng inyong doctor.
May processing fee na: P200 para sa ordinary medical certificate at P500 para sa medical certificate na may grado o medical abstract.
Libre naman ang medical certificate na may grado kung ikaw ay sa mismong Legazpi Eye Center magpapagawa ng salamin.
May bayad ang medical certificate, medical abstract, o statement of account dahil sa oras na inilalaan ng aming staff para sa pag-proseso nito.
Mas mataas ang processing fee ng medical certificate na may grado at ng medical abstract dahil may dagdag na medical liability ito sa Legazpi Eye Center.
Ang medical certificate ay nagsasabi kung ano ang diagnosis at recommended plan ng inyong ophthalmologist.
Ang medical abstract ay mas detalyadong bersyon ng medical certificate. Sinasabi rito kung ano ang ginawang mga examination sa inyo at mga findings ng doctor.
Abisuhan lamang ang aming staff kung para kanino(o para saan) ang inyong hinihingi para makapag-rekomenda kami ng tamang dokumento.
Titingnan muna namin kung ang inyong corrected vision sa chart ay mas malala sa 20/70. Kung ang inyong corrected vision ay mas maganda sa 20/70, hindi kayo eligible para kumuha ng PWD ID.
Amin din itong ikokonsulta sa optometrist o ophthalmologist.
Maaari namin kayong bigyan ng kopya ng diagnostic test, subalit, wala itong interpretation ng doctor.
Kung nais ninyo ng interpretation ng doctor, maaari naming i-process ang medical certificate (P200) o medical abstract (P500).
Abisuhan niyo lamang kami kung saan ito gagamitin.
Kung sa Legazpi Eye Center kayo nagpagawa ng eyeglasses, maaari namin kayong bigyan ng kopya ng grado gamit ang Lens Prescription Slip o ng Medical Certificate nang libre.
Kung hindi naman kayo sa Legazpi Eye Center nagpagawa ng eyeglasses, meroong processing fee ang medical certificate na may grado (P500).
Pricing
Lumapit lamang sa aming Optical Sales Officer para sa inyong katanungan tungkol sa presyo.
Sa mga senior citizens na may PhilHealth, ang cataract surgery ay umaabot sa P17,000 hanggang P95,000.
Kung hindi naman senior citizen o PhilHealth policy owners, mas mataas nang humigit-kumulang P16,000.
Kailangan namin kayong icheck-up para maibigay ang tamang package.
Laws and Regulations
Hindi po. Labag ito sa batas at hindi namin pwedeng gawin.
Hindi pwede mag-picture, mag-video, o mag-record sa loob ng Legazpi Eye Center.
Labag ito sa privacy ng staff at ng doctor.
Kung kailangan ng kopya ng findings ng doctor, maaaring humingi ng medical certificate (P200) o medical abstract (P500).
Medications
Hindi pwede bumili ng antibiotic kung walang reseta. Mas mabuti kung kayo ay
magpatingin na muli sa inyong ophthalmologist upang malaman kung itutuloy pa ang gamot. Maraming side effects ang pwede mangyari kung gawing maintenance ang antibiotic.
Hindi pwede bumili ng steroid kung walang reseta.
Mas mabuti kung kayo ay magpatingin muna ulit sa inyong ophthalmologist para malaman kung itutuloy pa ang gamot.
Maraming side effects ang pwede mangyari kung gawing maintenance ang gamot na may steroid.
Walang pinagkaiba sa epekto ang Brand A at Brand B kung parehas ang kanilang generic name. Nagkakaiba lamang sila ng manufacturer or taga-gawa.
Maraming lubricants or artificial tears sa pharmacy ng Legazpi Eye Center ang pwedeng gamitin sa dry eyes.
Maaaring magtanong sa Pharmacist o Cashier ng Legazpi Eye Center kung ano ang maaaring bilhin.
Optical
Naka-depende ang pagkuha ng eyeglass sa stock na lens ng Legazpi Eye Center.
Kung may stock lens ay agad na makukuha ang eyeglass 30-45 minutes pagkatapos pumili ang pasyente ng frame at lens.
Kung masyado mataas ang inyong grado, maaaring ipasadya pa ang lens sa supplier ng Legazpi Eye Center sa Manila. Kadalasan ay tumatagal ito ng 2 hanggang 3 linggo.
Hinihikayat namin na kayo ay mag-full payment para agad na magawa na ang eyeglasses pagdating ng lens.
Maaari rin ipadeliver ang eyeglasses sa address ng pasyente pero ito ay may karampatang delivery fee.
Pwedeng gamitin ang dating frame o frame na nabili sa ibang optical.
Tanging ang lens at labor lang ang inyo pong babayaran.
Dahil sa labas ninyo binili ang frame, hindi namin kayang i-assure ang kalidad ng frame at hindi namin matutugunan kung ito ay agad na masira.
Sabihan niyo lamang kami kung urgent na kailangan ang inyong eyeglasses.
Kung meron kaming stock, makukuha ang eyeglass nila sa parehong araw 30-45 minutes pagkatapos ninyong pumili ng frame at lens.
Kung pasadya, subusukan din naming kausapin ang supplier sa Manila. Kayo ay aming aabisuhan kung may karampatan itong rush fee.
Nagbebenta ang Legazpi Eye Center ng contact lens. Mayroong clear at colored contact lens at mga contact lens na disposable at good for one year.
Maaaring kausapin ang Optical Sales Officer para sa iba pang impormasyon.
Mas mabuti kung magpakuha ang pasyente ng grado sa optical na kanyang gustong pagawaan ng eyeglasses.
Maraming beses na sa Legazpi Eye Center na ang ibang pasyente ay kinunan ng grado pero nagpagawa ng eyeglasses sa ibang optical.
Sa mga ganoong pagkakataon, hindi masasabi kung ang may mali ay ang Legazpi Eye Center o ang optical.
Kung magpapagawa sa ibang optical, hindi rin masisiguro ang personalization na ginagawa ng Legazpi Eye Center sa pag-identify ng tamang grado at sukat ng eyeglasses para sa inyo.
Kayo ay aming i-eendorso sa aming Optical Sales Officer.
Titingnan ng Optical Sales Officer kung tama ang grado ng eyeglasses na ginawa sa chart ng pasyente.
Kung ang lens ay progressive, tuturuan namin kayo kung paano ito gamitin. Maaari rin kayong ipa-refract muli para sigurado ang grado.
Kung mali ang refraction ng pasyente, aming ibibigay ang bagong lens nang libre.
Surgery and Procedures
Lahat ng operasyon ay may risk. Tanging ang doctor lang ang makakasabi kung ano ang mga benepisyo at risks sa inyong kaso. Hinihikayat namin kayong magtanong sa inyong doctor upang maintindihan ang lahat nang pwedeng mangyari sa operasyon at sa pagkatapos nito.
Magtiwala lamang na hindi ooperahan ng doctor kung hindi ito kinakailangan o angkop sa sitwasyon ng pasyente.
Hindi kayo kaagad maooperahan pagkatapos ng check-up lalo na’t kung hindi ito emergency ayon sa doctor. Maaaring may mga laboratory tests na kinakailangan ang doctor bago ang operasyon at maaaring may mga papeles na kailangan ayusin bago ang operasyon.
Walang LASIK Surgery sa Legazpi Eye Center pero mayroong mga doctor sa Legazpi Eye Center na ginagawa ito sa Manila.
Maaaring sa Legazpi gawin ang pre-operative at post-operative at sa Manila naman ang mismong LASIK. Pwede din mag offer ng ibang refractive na klase ng surgery na ginagawa ni Dr. Rollo Milante.
Got more Questions?
Contact Us
Got questions? Check out our FAQs here. Looking for something more specific? Walk in or reach us through email, social media (Instagram, Facebook, and Messenger), or simply by filling out this form below.
Legazpi Eye Center - Legazpi City
- Landco Business Park, Legazpi City, Albay
- [email protected]
Legazpi Eye Center - Naga City
- GF Sundaze Dormitel, Pan Philippine Highway, Concepcion Pequena, Naga City, Camarines Sur
- [email protected]